من أنا

الثلاثاء، 20 يناير 2009

من أنا؟؟؟؟؟؟؟؟؟؟؟؟؟؟؟؟

صحيح من أنا ؟
كثيرا ماسئلت نفسى هذا السؤال...
هل أنا من أظنها أنها أنا ؟
أم هل أنا من يظنها الناس أنها أنا؟
أم هل أنا من يظنها كارهينى انها أنا ؟
احترت كثيرا فى تفسير نفسى.....
فتارة أجدنى هذه الفتاة التى لاحول لها ولا قوة ,
وتارة أخرى أجدنى الفتاة المتمرده التى لا يعجبها شيىء فى هذه الدنيا وتريد أن تقلب الدنيا رأسا على عقب......
وفى بعض الأوقات أجدنى لا أتفق مع كل من حولى ,
ثم أكتشف بأننى لا أختلف كثيرا عنهم .....
فقلبى مع الأخوان المسلمين ,
وعقلى متفق تماما مع حركة كفايه ,
وأحب حزب الغد , وأحترم أفكار حزب التجمع ,
ثم تجدنى أمتلك كارنيه الحزب الوطنى .....
أحب جريدة الدستور , ويعجبنى كثيرا المصرى اليوم , كذلك الحال مع البديل ,
ثم تجدنى لا أشترى الا الجمهوريه .....
أحب الكتابه , وأعشق الرسم , ولكننى لم أدرس أيا من ذلك ......
ما هذا التناقض الغريب فى حياتى ...
فهل أنا كل هؤلاء ؟
أم اننى فقط خليط بينهم؟
وهل كل الناس هكذا ؟
أم اننى وحدى فى هذا ؟
أعاننى الله على معرفة من أنا حقا ............

هناك 15 تعليقًا:

  1. بس كده صعب اوى

    هقولك لازم تحددى انتى عايزه ايه؟؟؟؟
    ولازم تشوفى هتوصلى لده ازاى

    واكيد لازم تتعرفى على نفسك اكتر من كده

    علشان كده صعب جدا

    ردحذف
  2. بسم الله
    ولا صعب ولا حاجه الناس كلها كده
    انت زيك زى الناس كلها يعنى خليط بين ده وده
    ولا تتعبى نفسك خالص بطلى تفكير واهم يومين الواحد عايشهم وخلاص وهنقضيهم بالطول او بالعرض
    مصطفى السيد

    ردحذف
  3. والله بصراحه انا اتأثرت بالكلام الجامد ده عشانك والله بس اهم حاجه فى الانسان المسلم يفكر فى دينه اهم حاجه وبعد كده ربنا هيهديه ان شاء وهيعرفه هو مين وعاوز ايه بس اهم حاجه برده ان احنا نشيل من افكارنا الاخوان المسلمين والحزب الوطنى والكلام الفاضى ده كله عشان انا ضد اى احزاب فى مصر

    ردحذف
  4. بسم الله الرحمن الرحيم
    والله الموضوع عجبنى جدا وبقولك انتى مش لازم تعرفى انتى مين ماحنا كلنا عايشين ومحدش فينا بيسأل هو مين وعادى يعنى مقضينها ريحى نفسك ومتفكريش كتير
    سمسمه وأظن انك عرفانى كويس

    ردحذف
  5. بسم الله الرحمن الرحيم
    كل انسان بيجيله وقت يقف ويفكر ياتري هو ماشي صح ولا كانت البدايه غلط من الاول.
    بس الاكيد انك لازم تكوني قويه وتقدري توجهي اي تناقد وتكوني حابه وراضيه بالي انتي فيه.
    ومفيش مانع من شوية تمرد بس بسيط علشان يكون عندك الحافز انك تكوني احسن واقوي في المجال الي انتي حبتيه واختارتيه.....
    ربنا معاكي ...يا...وسسسس

    ردحذف
  6. تانى مره محمد
    متتكسف يابنى ابقى اكتب اسمك
    بص هو مش صعب على احيانا بس فى احيان اخرى بيبقى صعب قوى
    يلا خليها على ربنا
    منور تانى وتالت

    ردحذف
  7. انت رأيك كده يامصطفى؟
    يعنى الحمدلله مش انا لوحدى اللى كده
    طمنتنى والله
    منور يامان
    ارجو انها متكونش آخر زياره

    ردحذف
  8. ماشى ياحمدى
    اوصيك ونفسى بتقوى الله
    بس انا مش متفقه معاك فى حتة الاحزاب دى
    نتناقش فيها بعدين
    على العموم منوررررررررررررررررر

    ردحذف
  9. ماشى ياسمسه
    ايوه طبعا عرفتك ياقمر
    زيارتك دى فرحتنى جدا ويارب متكونش آخر مره
    على رأيك اهم يومين ويعدوا

    ردحذف
  10. شروووق
    ميرسى على اهتمامك ياقمر
    منتحرمش من رودودك ابدا
    ويارب دايما كده
    (ايموشن بوسه)

    ردحذف
  11. wesoo فين الجديد انا عاااااااااااااااوز جديييييييييييييييييييييييد والا هزعل وانتى عارفه بقى لما ازعل
    with my best wishes
    ??????????

    ردحذف
  12. عندك حق احيانا بيكون الواحد م عارف هو مين وعاوز ايه ولا عارف هو صح ولا غلط بس مش لازم نفضل كده علطول يعنى لما نلاقى نفسنا تايهين كده لازم نقف وقفه مع نفسنا ونحسبها تانى ونشوف احنا صح ولا غلط ونشوف عاوزين نعمل ايه ومش عيب ابدا" اننا نسأل الناس القريبين منا ايه رأيهم متهيألى ده ممكن يساعدنا شويه

    بس الكلام جميل ياويسووو

    ردحذف
  13. لا يا ويسو ماينفعش تبقى تايهه كده لازم تحددى انتى عاوزه ايه وتفكرى تانى كويس اوى لحد ماتستقرى شويه
    وبعدين ايه اللى مخليكى تايهه كده انتى زى الفل يابنتى سيبك من الكلام ده

    بس حلو اوى الكلام وعجبنى جدا والله

    ردحذف
  14. محمد
    شكرا يامحمد على تعليقاتك الجامده جدا
    منتحرمش من زياراتك يااااااااارب

    ردحذف
  15. lucky
    الله يخليك يارب
    الحمدلله ان الكلام عجبك
    منورررررررررررررر

    ردحذف

اتكلم براحتك الكلام مش عليه جمرك